सिगारेबास

🚨 संकटको भुमरीमा HR म्यानेजर लघुवित्तमा कर्मचारीको हाहाकार: कुनै समय नेपालका गाउँ-गाउँमा गरिबी निवारण र महिला सशक्तीकरणको एउटै भरपर्दो नाम थियोः– लघुवित्त । कुन पनि भौतिक धितो नचाहिने र सामूहिक जमानीमा ऋण पाइने हुनाले यसले ग्रामीण अर्थतन्त्रमा एउटा क्रान्ति नै ल्याएको थियो। तर समय सधैं एकनास रहेन। आज त्यही लघुवित्त क्षेत्र इतिहासकै सबैभन्दा खराब र संवेदनशील संकटको भुमरीमा फसेको छ। चौतर्फी प्रहारले गर्दा यो क्षेत्रको साख जोगाउनु आज सबैभन्दा ठूलो चुनौतीको बिषय बनेको छ। १. लघुवित्तमा 'HR' र 'HR Data': परिभाषाको नयाँ आयाम: लघुवित्तको दुनियाँमा मानव संसाधन (HR) केवल एउटा कुर्सी र टेबलमा बस्ने जागिरदार मात्र होइन। यस्मा त फिल्डमा खटिने कर्मचारीहरू संस्थाको असली अनुहार र सम्बन्ध सेतु हुन्। उनीहरू गाउँको कुना-कुना पुग्छन्। विपन्न तथा असहाय महिलाहरूको सुख-दुःखमा सारथि बन्छन्। अहिले बजारमा ऋण मिनाहाको भ्रमपूर्ण आन्दोलन र जनआक्रोश छ। त्यसैले ऋणीहरूको गाली, धम्की र समाजको रापलाई छातीमा झेल्ने अग्रपंक्तिका सिपाही पनि तिनै फिल्डमा जाने कर्मचारी हुन्। ...

एउटै कोठाका अनौठा अपरिचितहरू : "भौतिक रूपमा शरीरहरू एउटै कोठामा छन्, तर मनहरू आ-आफ्नो डिजिटल संसारमा भौंतारिरहेका छन्। आजको परिवार एकै छानोमुनि बस्ने सहयात्री जस्तो मात्र भएको छ, जहाँ चौतारीको गफगाफ र हजुरबा-हजुरआमाका संस्कारयुक्त दन्त्यकथाहरूलाई मोबाइलका स्क्रिन र एप्सहरूले निलेका छन्। प्रविधिले दूरी त छोट्यायो, तर एउटै कोठाभित्रै बस्ने प्रियजनहरूलाई संसारकै सबैभन्दा टाढाका 'अपरिचित' जीव बनाइदियो।" १. प्रविधिको सुखद बिहानी र आधुनिक संसारः आजको युग प्रविधिको स्वर्णिम युग हो। मानव सभ्यताको विकासक्रममा विज्ञानले चामत्कारिक फड्को मारेको छ। हिजो असम्भव भनिएका कामहरू आज हाम्रा औँलाका टुप्पाले गर्न सक्ने भएका छन्। इन्टरनेट र स्मार्टफोनले विश्वलाई एउटा सानो 'संसार' अर्थात् डिजिटल गाउँको रूपमा रूपान्तरण गरिदिएका छन्। सात समुद्र पारि रहेका प्रियजनहरूसँग उत्तसनै खेर भिडियो कलमा कुरा गर्न सकिन्छ। संसारको जुनसुकै कुनाको जानकारी सेकेन्ड भरमै प्राप्त हुन्छ। प्रविधिले हाम्रा कामहरूलाई तीव्र, सहज र व्यवस्थित बनाएको छ। यसले भूगोलका पर्खालहरूलाई छेड...